Deu 33 | ZomZIV | STEP | Pasian mipa Moses in a sih ma-a Israel-te tungah a piak thuphate hihte ahi hi.

Deuteronomy 33

Moses in Behte Thupha Pia

1 Pasian mipa Moses in a sih ma-a Israel-te tungah a piak thuphate hihte ahi hi. 2 Amah in: ^a

“Sinai panin TOPA hong pai a,
Seir panin amaute tungah suakkhia-in,
Paran Vum panin a tangkhia hi. ^b
Amah leitaw-lam panin ama mualdungah ^{▼▼33.2 Ahikeh panin}
misiangtho tampi tawh ^{▼▼33.2 Hebrew ah hih gual a khiatna kician lo} hong ton hi.
3 Hi takpi hi, nang in mite a itpa na hi a,
misiangthote khempeuh nangma khut sungah a om hi.
Na khephungah amaute kun uh a,
nang tung panin lamlahna a ngah uh hi; ^e
4 Jacob mipite neih dingin
Moses in tua thukham ko hong pia hi.
5 Mite makaite,
Israel behte tawh a kikhop uh ciangin
amah Jeshurun ^{▼▼33.5 Jeshulun pen a dingtangpa cihna hi-a, tua in Israel ahi hi; tg.26 ah zong.} tungah kumpipa ahi hi. ^g
6 “Reuben si loin nungta henla,
ama mi tawm kei ^{▼▼33.6 Ahikeh ahi hangin} ta hen.

7 Tuateh Judah thu a genna hih ahi hi:

“TOPAaw, Judah kikona za in;
ama mite kiangah puak in.
Ama khut in amah a dal hi.
Galte a dona ah amah huh in.” ⁱ

8 Levi thu ah:

“Na Thummim le na Urim,
na angvan mipa aa ahi hi.
Amah Massah ah na zia-et a,
Meribah tuite ah amah tawh na kisel uh hi.
9 Amah in a nu le a pa,
‘Amaute ka thusim kei hi,’ ci hi.
Amah in a sanggampate theikha loin
ama tate phawk lo-a,
ahi hangin na thugen kemcingin
na thukhun a len cinten hi.
10 Amah in na gamtatna thuseh Jacob hilh a,
na thukham Israel a hilh hi.
Na mai-ah gimnamtui hong pia-a,
na biakna-tau ah meihal biakna buppi hong pia hi. ^j
11 TOPA aw, ama siamna khempeuh thupha pia inla,
a khuta a septe tawh lungkim in.
Ama langa pangte kawngguh vatsak inla;
a tho zo nawn lo dingin a galte vatsak in,” a ci hi.

12 Benjamin tawh kisai-in:

“TOPA in a itpa, amah in sun nilohin dal ahi manin
ama sungah khawl hithiat a,
TOPA itpa ama liangko kikalah a khawl hi,” a ci hi. ^k

13 Joseph tawh kisai-in:

“TOPA in a gam thupha pia in,
tunga van pan daitui manpha le
nuai-a om tuithukte tawh ^l
14 ni in a puakkhiat a hoihpente le
khapi gahsuah a hoihpente tawh
15 tanglai mualte letsong limcipente le
tawntung mualneute gah phatna tawh; ^m
16 leitung in, letsong hoihpente tawh kidim le
sawlbawk kuang kawma tengpa angvanna pia ta hen.
Hihte khempeuh Joseph lutungah khawl henla,
a sanggam pasalte laka ^{▼▼33.16 Ahikeh pana kikhenkhiapa tungah} kumpi a suakte taltangah om ta hen.
17 A thupina lamah bawng tacil a tal bangin;
a ki gam-bawngtal ki bang henla,
tuate tawh leimongte nangawna om
minamte si liam hen. ^o
Tua bangin Ephraim tulsawmte hi henla,
tua bangin Manasseh tul tampite hi hen,” a ci hi.

18 Zebulun tawh kisai-in:

“Zebulun aw, na paikhiatna ah nuamsa inla, Issachar aw,
na puanbuk sungah nuamsa in. ^p
19 Amaute in mualtungah mite sam ding uh a,
tua lai-ah a thumaan biakna a pia ding uh hi; ^q
amaute in tuipite bucinna le
sehnel sunga goute in pawi a bawl ding uh hi,” a ci hi. ^r

20 Gad tawh kisai-in:

“Gad kumpi gam a khangsakpa thupha ngah ahi hi!
Tua lai-ah humpi bangin Gad tenga,
lutang le ban a balkham hi.
21 Leitang hoihpenna mun amah’n teel a;
a makaite tanh ama adingin a kikoih hi. ^s
Mipite lutang teng a kikhop uh ciangin amah in,
TOPAthumaanna in a deihna le
Israel tawh kisai thukhennate a semkhia hi,” a ci hi.

22 Dan tawh kisai-in:

“Dan in Bashan panin a diangkhia
humpinelkai no ahi hi,” a ci hi.

23 Naphtali tawh kisai-in:

“Naphtali in TOPA angvanna kicing ngahin
ama thupha tawh a kidim hi;
amah in leitaw lampang bual dong a luah ding hi,” a ci hi. ^t

24 Asher tawh kisai-in:

“Tapate sung panin Asher in thupha a ngah pen hi;
a sanggamte in amah angvan henla,
sathau sungah a khe silsak uh hen. ^u
25 Na kongpi kalhnate uh sik le sumngo hi dinga ^v
na nuntak sungteng uh na thakia ngei kei ding uh hi. ^w
26 “Nang hong huh dingin vante tunga tuang le
thupina tawh meii tunga tuang
Jeshulun’ Pasian tawh a kibang khat beek a om kei hi. ^x
27 Tawntung Pasian nangma bukna hi a,
ama tawntung bante nuai-ah a om hi. ^y
Amah in na mai panin na galte hawlkhia dinga,
‘Amah susia un!’ ci ding hi. ^z
28 Tua ciangin Israel guak lungmuangtakin teng dinga,
Jacob suante ahileh
vante in daitui a kiatsakna,
an le zuthak kicinna gamah a teng ding uh hi. ^aa
29 Israel aw, nang thupha hong kipia hi!
TOPA in nang banga
a hotkhiat kua om ahi hiam?
Amah nang hong huhpa le na lum hi a,
a minthang na namsau ahi hi.
Na mai panun na galte uh maizum dinga,
amau munsangte na tuancil ding uh hi,” ^{▼▼33.29 Ahikeh amau pumpite na tuancil ding uh} a ci hi.